Opinioni publik në Kosovë dhe Shqiperi është tronditur jo pak, pas ngjarjes se rende në Ferizaj ku 18 vjeçarja Marigona Osmani u dhunua per vdekje nga i dashuri i saj dhe u la në dyert e spitalit.
Si në të shumten e ngjarjeve të këtij lloji, motivi ishte xhelozia, ose më saktë dyshimet.
Rasti nuk i mbetet i vetëm teksa ndër vite gratë e femrat shqiptare kanë patur fat tragjik nga ata që këto te fundit i kanë besuar edhe jetën.
Me anë të portreteve të tyre, AlpeNews.al risjell disa prej ngjarjeve tronditëse dhe motivet e tyre… tejet banale e të dobëta.
Fadil Bandulla
Shkoder, Fadil Bandulla ka qëlluar për vdekje bashkëshorten e tij, Sanije Bandulla dhe më pas veten.
Motivi: Perveç zenkave ne çift, kohët e fundit e ndjera kishte nisur që të bënte letrat dhe të ikte në azil, që të shpëtonte nga dhuna.
Aldison Belulaj
Aldison Belulaj, student i mjekesise, vrau Ariela Muratin dhe me pas edhe veten, ne mes të kryeqytetit.
Motivi: Kishte dyshime se e ndjera e tradhetonte me dike tjetër.
Qemal Bici
Qemal Bici rreth 56 vjeç vrau me mjet të mprehtë (sëpatë) bashkëshorten e tij Menturie Bici, rreth 53 vjeçe. Pas aktit të rëndë autori më pas ka varur veten.
Motivi: Ishte i alkoolizuar.
Gazment Musta
Ngjarja e rëndë tronditi Ballshin, ku Gazment Musta vrau gruan dhe motrën e gruas, në gjendje të dehur.
Motivi: Donte të shkonte te takonte prindërit!
Shaban Norja
Shaban Norja tronditi Shqipërinë pasi vrau duke i prerë kokën 18-vjeçares Aishe Vata, e cila ishte shtatzënë me fëmijën e tij.
Motivi: E ndjera nuk pranoi të abortonte femijen.
Xhafer Mata
31-vjeçari nga Kukësi pasi hasi me refuzimin e 19-vjeçares nga Mati, ka nxjerrë pistoletën duke e qëlluar në kokë. Pas saj, ka qelluar edhe veten.
Motivi: E ndjera nuk pranoi ti rikthehej lidhjes me të.
Daut Gjokola
Dauti, i cili mendohet se vuante nga depresioni ka therur disa herë me thikë bashkëshorten e tij, Lulen, e më pas është hedhur nga kati i 4 i pallatit ku jetonin.
Motivi: Depresioni.
Fadil Kasemi
Fadil Kasemi, kishte tentuar edhe here te tjera te vriste gruan e tij, gjykatesen Fidel Hafizi.
Motivi: Nuk pranoi divorcin dhe faktin se gruaja e tij u be gjyqtare.
Sokrat Shani
65-vjeçari Sokrat Shani masakroi të dashurën e tij 27-vjeçare Jonida Çanaku. Pas krimit u kthye në shtëpinë e tij dhe vrau edhe veten.
Motivi: Nuk pranonte lidhjen e saj me një djalë tjetër. Vetë, ishte i martuar!
Alfred Nikolli
Pas disa vitesh në një lidhje jashtëmartesore me të, Etleva Nodka u vra nga i dashuri Alfred Nikolli në dyert e parukierisë së saj.
Motivi: Nikolli, për shkaqe xhelozie, hapi zjarr ndaj 28-vjeçares nënë e një djali 3-vjeçarm, duke i marrë asaj jetën me dy plumba.
Klaus Sakolli
Një dashuri e njëanshme i ka marrë jetën një 22-vjeçareje nga Kuçova në vitin 2015 pasi Klaus Sakolli, me të cilin Denisa Demaj komunikonte në telefon, pas një debati me vajzën i vajti 22-vjeçares në shtëpi dhe qëlloi me automatik atë dhe të vëllanë. Denisa Demaj humbi jetën ndërsa vëllai i saj, mbeti i plagosur.
Motivi: Nuk pranoi refuzimin nga e ndjera.
Gaqo Dumka
Në vitin 2011, Dumka masakroi në mënyrë barbare të dashurën e tij 42-vjeçare Liljana Arapi. Trupi me kokë, krahë e duar të prera i një Liljanës u gjet në vendgrumbullimin e mbeturinave.
Motivi: Xhelozia!
Hasan Krasniqi
Ngjarja ndodhi ne Prishtine teksa Hasan Krasniqi vrau gruan, nusen e djalit dhe me pas veten.
Motivi: Problemet mendore.
