E diela e ditës së sotme ka qenë dita më tragjike e kësaj jave, janë shënuar 5 viktima dhe shkak ka qenë mbytja në ujë dhe një aksident tragjik ku dy viktimat gjithashtu u mbytën në një pellg me ujë.
Dy viktimat e para janë shënuar në plazhin e Spillesë, ku dy shokë nga Maqedonia po pushonin prej javësh në vendin tonë. Dyshohet se shkak i vdekjes së dy turistëve është arresti kardiak që kanë pësuar ata teksa laheshin në det. Viktimat janë identifikuar, Riste Damkovski 77 vjeç dhe Cvetko Mitanonovki, 79-vjeç.
Dy shokët e ngushtë nga Bitola kishin ardhur bashkë me një grup prej 52 personash për të shijuar bregdetin shqiptar.Pasi kishin konsumuar drekën, 3 prej tyre ata u futën në det, por vetëm njëri arriti të dilte gjallë.
Viktima e radhës është shënuar në plazhin e Velipojës, Viktima nuk vshtë identifikuar ende, por dyshohet të jetë 59-vjeç.
Një ngjarje tragjike është shënuar edhe në Marinzë, të Fierit ku një automjet përfundoi në një kanal vaditës. Nga aksident fatkeqësisht dy persona kanë humbur jetën.Dyshohet se drejtuesi i automjetit pësoi atak kardiak, gjë që shkaktoi edhe aksidentin tragjik.
Dy viktimat dyshohet se janë mbytur nga uji por po punohet për zbardhjen e ngjarjes dhe nxjerrjen e trupave nga uji.
Alpenews.al
