Florand Shehu, i cili masakroi për vdekje me thikë gruan e tij Anisa Shehu, tronditi mbarë opinionin shqiptar por edhe atë grek.
Ai mes 1001 peripecive u paraqit në gjykatë për t’u njohur me vendimin e trupit gjykues.
I veshur me antiplumb, Florandi u sulmua nga familjarët e Anisës me grushte dhe sende të tjera.
Ai para gjykatës tregoi me detaje se si e kishte vrarë bashkëshorten, nënën e fëmijës së tyre. Shehu ka treguar me gjakftohtësi të madhe momentin kur ka hyrë në shtëpi dhe e ka vrarë Anisën ndërsa ka shtuar se ishte dhe shumë xheloz për të.
“Më 11 korrik patëm një debat shumë të ashpër. Sapo isha kthyer nga puna dhe kur hyra në shtëpi, ajo ishte në dhomën e gjumit të fëmijës me derën e mbyllur. E pyeta pse po e bënte këtë dhe ajo u përgjigj “Unë do të bëj çfarë të dua”.
Menjëherë pas kësaj, i kërkova të hapte printerin në tryezën e fëmijës për të printuar disa dokumente të dyqanit, por ajo rrinte e mbyllur në dhomë dhe ishte shumë e ngadaltë për të bërë atë që i kërkova. Pas pesë minutash ajo hapi derën dhe filloi të më bërtiste, ndërsa ajo lëvizi në mënyrë agresive drejt meje. E shtyva brenda dhomës dhe ajo ra në dysheme. E irrituar, ajo u ngrit dhe më goditi në fytyrë dhe pastaj unë bëra të njëjtën gjë,” tregoi 39-vjeçari.
