Gjermania ka ashpërsuar masat për të gjithë personat e pavaksinuar që do të hyjnë në vend. Ky vendim është marrë pas rritjes së rasteve ndërkohë që qeveria ka theksuar se vendimi do të zbatohet për të gjithë pavarësisht vendit të origjinës.
Në bazë të vendimit, testi do të jetë i detyrueshëm për ata që mbërrijnë në Gjermani. Sipas gazetës BILD, udhëtarët që nuk janë vaksinuar kundër Covid-19 ose janë rikuperuar nga sëmundja duhet të bëjnë një test molekular të koronavirusit.
Përveç kësaj, të gjithë fëmijët e pavaksinuar që kthehen nga zonat “me rrezik të lartë” duhet të karantinohen.
“Ne duhet të bëjmë gjithçka që mundemi për të parandaluar një valë të katërt.” Ajo që duhet të bëjmë është të përfshijmë detyrimin për të bërë një test kur të kthehemi në vend – pa marrë parasysh se nga cili vend vijnë, “tha Ministri i Brendshëm Horst Seehofer për BILD .
Shqetësimi i Berlinit është kryesisht për personat që kthehen me makinë private nga Ballkani dhe Turqia, pasi ato kontribuuan në mënyrë të konsiderueshme në rritjen e numrit të rasteve vitin e kaluar.
Sipas mediave gjermane, masat e reja do të hyjnë në fuqi në gusht.
