I është dhënë sot masa arrest me burg 51-vjeçarit, Artan Ismalaja i cili vrau me thikë gruan Klarita Ismalaj, 45 vjeç dhe më pas tentoi të vetëvritej. Ngjarja e rëndë ndodhi katër ditë më parë në Fushë-Krujë, për motive ende të paqarta.
Artan Ismalaja goditi me thikë gruan e tij, e cila kishte marrë plagë të rëndë në qafë duke i shkaktuar hemoragji. Më pas, ai ka tentuar të varsë edhe veten , por u nis drejt Spitalit të Traumës në gjendje të rëndë shëndetësore.
Çifti kishin dy djem, ku më i madhi është 23-vjeç dhe jetonin prej vitesh në Tiranë. 51-vjeçari, Artan Ismalaja është me profesion kameraman dhe ka një biznes pranë Fakultetit të Inxhinierisë së Ndërtimit në kryeqytet.
