Zbardhet dosja e dënimit të kryebashkiakut të Mallakastrës, Qerim Ismailaj. FaxNews ka mësuar se ngjarja që mund t’i kushtojë karrierën si politikan Ismailajt, ka ndodhur në vitin 1999, kur ai jetonte si emigrant në Greqi.
Për të siguruar mbijetesën, ai punonte në ndërtim. Një ditë, pas përfundimit të punës, kryebashkiaku ishte konfliktuar me pronarin e firmës ku edhe punonte pasi nuk e kishte paguar.
Në konflikt e sipër, pronari grek ishte rrëzuar dhe kishte marrë dëmtime në kokë pasi ka përplasur kokën në kalldrëm, duke marrë plagë.
Si pasojë Ismailaj ishte arrestuar dhe dënuar me 3 vite burg, vepër penale që në legjislacionin shqiptar shlyhet vetëm me një gjobë.
Por ky dënim, edhe pse i dhënë më shumë se 20 vite më parë, nuk ishte deklaruar në formularin e dekriminalizimit.
Pas indicjes së dhënë nga Partia Demokratike, Prokuroria e Përgjithshme dërgoi një letërporosi tek autoritetet fqinje, duke zbuluar kështu edhe dënimin.
Deri më tani reagime nga pasur vetëm nga selia blu, ndërsa kryebashkiaku dhe zyrtarë të Partisë Socialiste kanë zgjedhur që të heshtin.
