Një 40-vjeçar është arrestuar, i cili u kap në mjetin e tij duke transportuar 5 emigrantë të paligjshëm drejt Tiranës.
Stefan Bërdufi, 40 vjeç, nga Kavaja, u arrestua në vijim të operacionit policor “Perimetri”, ku në këmbim të pagesës do të transportonte 5 emigrantë të paligjshëm drejt Tiranës, të cilët më pas do të kalonin në vendet e BE-së.
Ndalimi i tij u bë në aksin rrugor Korçë-Maliq, pranë fshatit Libonik, ku policia pas kontrollit në mjetin e tij tip “Ford” konstatoi edhe 5 emigrantët e paligjshëm.
Materialet i kaluan Prokurorisë së Rrethit Gjyqësor Korçë, për veprën penale “Ndihma për kalim të paligjshëm të kufijve” kryer në bashkëpunim.
Shqipëria është një vend transit për emigrantët e paligjshëm, të cilët shpresojnë që më pas të kalojnë drejt vendeve të BE-së për një jetë më të mirë.
