Gruaja e liderit suprem të Koresë së Veriut Kim Jong-un, më në fund është rishfaqur në publik pas më shumë se një viti.
Ri Sol-ju ndoqi një koncert për përkujtimin e ditëlindjes së udhëheqësit të ndjerë Kim Jong-il të martën në mbrëmje së bashku me burrin e saj
Ajo u pa për herë të fundit në janar të vitit të kaluar dhe zhdukja e saj kishte ngjallur shqetësim.
Inteligjenca e Koresë së Jugut këtë javë tha se ajo ishte e sigurt dhe se po kalonte kohë me fëmijët e saj.
Një ekspert i Koresë së Veriut tha se tërheqja e saj nga jeta publike mund të ketë qenë edhe për shkak të Covid , për të shmangur një infeksion të mundshëm, edhe pse Koreja e Veriut i ka mbajtur private detajet e luftës së saj pandemike.
