Sonte në Shqipëri mbërritën 7020 doza nga “Pfizer”, ndërsa ministrja e Shëndetësisë Ogerta Manastirliu njoftoi më herët se nesër do të vijohet me qendrat e vaksinimit në Shkodër, më pas me Vlorën, ndërkohë që stafi i Durrësit, Elbasanit do të vaksinohen në Tiranë.
Por sa vaksina do të transportohen nesër drejt Shkodrës nesër? Gazetari i ABC, Simon Shkreli mëson se nesër në pallatin e sportit, “Qazim Dervishi” në Shkodër ku do të bëhet vaksinimi do të mbërrijnë 1100 copë.
Procesi i vaksinimit në pallatin e sportit do të bëhet nga mjekët dhe infermierët e qendrave shëndetësore në Shkodër të cilët janë trajnuar.
Gjithashtu do të vaksinohen edhe stafi dhe personat rezident në shtëpinë e të moshuarve./ Abcnews.al
