Pas reshjeve të dëborës që përfshinë vendin fundjavën që lamë pas, java që kemi përpara pritet të vijojë me temperatura shumë të ulëta.
Sipas Shërbimit Meteorologjik Ushtarak, nga dita sotme deri të mërkurën, parashikohet mot i kthjellët në të gjithë territorin me vranësira të pakta kalimtare.
Dita e enjte parashikohet të ketë edhe alternime vranësirash ndërsa java mbyllet me ditën e premte me mot kryesisht të vranët dhe intervale të shkurtra me diell.
Për shkak të temperaturave acarta pritet që ngricat dhe akullëzimi të jenë tepër të forta në pjesën më të madhe të territorit dhe kryesisht përgjatë orëve të natës dhe orët e para të mëngjesit.
