Në Klinikën e Ortopedisë në Qendrën Klinike Universitare të Kosovës, gjatë ditës së sotme është shkëputur energjia elektrike, raportojnë mediat fqinje.
Mjekët kanë qenë në sallën e operacionit gjatë kohës kur është ndërprerë energjia dhe operacionin e kanë kryer me dritë telefoni.
Mjeku ortoped Sami Delijaj ka treguar për gazetën Express se sot rreth orës 09:30, teksa ka qenë duke operuar një pacient, është ndalur rryma elektrike në klinikë.
“Unë kam qenë sot në sall të operimit. Rreth orës 09:30 është ndërprerë energjia elektrike. Ne nuk kemi pas ndonjë problem, e kemi pas nën kontroll gjendjen. Nuk është mirë të ndalet energjia, por ne e kemi kryer operacionin me sukses”, ka thënë ai.
