Aktori i njohur i humorit në Shqipëri Julian Deda, ka rrëfyer në një intervistë për jetën e tij personale dhe prfesionale gjatë vitit 2020.
Ai tha në News 24 se viti që lamë pas ka qenë shumë i vështirë, ndërsa tregoi edhe eksperiencën e tij me njërin nga prindërit që kaloi koronavirusin.
“Unë e provova vetë në familje me njërin nga prindërit, ishte një situatë e tmerrshme, të rëndon psikologjikisht. Vuan ai që është duke e kaluar, vuajnë dhe gjithë të tjerët në familje.
Profesionalisht dhe ne nuk ngelemi jashtë kësaj situate. Ti shikon në televizor ambulanca, dëgjon për vdekje, doktorë që nuk i marrin përsipër, imagjino i shikon në lajme ti këto dhe shkon në punë dhe krijo humor.
Po ne kemi një rregull të pashkruar në profesionin tonë , ne nuk na lejohet të sëmuremi , ne kemi për detyrë të bëjmë punën tonë dhe të durojmë atë që duhet të durojmë”, tha aktori.
Për sa i përket angazhimit të tij në politikë, ai tha se do të kandidojë për deputetë nëse partia e tij do t’ia kërkojë diçka të tillë.
“Nësë një ditë do më lipset apo do më kërkohet ndihma e forcës politike që unë i përkas në këtë drejtim patjetër që do ta bëjë”, u shpreh Deda.
Duke i kujtuar Bashes ne menyre indirekte premtimin qe i ka bere per ta kandiduar per deputet! Megjithese kreu i PD eshte ne “hall” me 1 mije kandidatet e mbetur nga komisioni “Ruli” dhe mbi te gjitha me ata qe ka ne “mendje” Sali Berisha!
