Ndërsa Kryeministri i Shqipërisë, Edi Rama, ka paralajmëruar nisjen e vaksinimit anti-covid, autoritet shëndetësore prej disa ditësh kanë nisur përpilimin e listave të personave që do të marrin dozën e parë.
Burime për AlpeNews bëjnë të ditur se autoritet shëndetësore po kontaktojnë gjatë këtyre ditëve mjekët dhe infermierët që do të jenë pjesë e planit të vaksinimit.
Të njëjtat burime bëjnë të ditur se krahas përgatitjes së listës, mjekët dhe infermierët janë kontaktuar, duke iu kërkuar konfirmimi nëse janë apo jo dakord për kryerjen e vaksinimit anti-covid.
Plani i vaksinimit në Shqipëri do të nisë me vaksinën e siguruar nga PFIZER. Kjo vaksinë bëhet në dy doza. Doza e dytë merret 21 ditë pas vaksinimit të parë. Ndërkohë që Shqipëria është duke negociuar edhe me prodhues të tjerë për të siguruar doza të tjera vaksinash.