Në aksin rrugor Elbasan-Bradashesh, një automjet tip Volkswagen është përplasur me një autobus pasagjerësh, e për pasojë janë dëmtuar 5 persona, të cilët janë transportuar për në spitalin e Elbasanit.
Mësohet se në vendngjarje ndodhen shërbimet e Policisë dhe të urgjencës së spitalit.
Policia ka dërguar nëpërmjet autoambulancave në spital menjëherë të plagosurit për ndihmë mjekësore, si dhe ka bere të mundur zhbllokimin e trafikut, pasi u krijuan radhë të gjata në të dyja kahet e lëvizjes.
Grupi hetimor po ashtu ndodhet në vendngjarje dhe vijon punën për përcaktimin e shkakut të aksidentit.
