Rasti i parë me koronavirus në vendin tonë u shënua ditët e para të muajit mars 2020.
Që prej atëherë, në vendin tonë janë bërë 262.910 testime dhe numërohen 58.316 të infektuar, nga të cilët 33.634 janë shëruar dhe 23.501 janë raste aktive.
Totali i vdekjeve është 1181 që prej marsit e deri në 31 dhjetor. Qyteti më problematik është padyshim Tirana, më pas vjen Fieri, Shkodra dhe Durrësi.
Ministria e Shëndetësisë sot ka raportuar 589 raste të reja, 449 të shëruar dhe 7 viktima. Shifrat e datës 1 dhe 2 janar, do të publikohen në 3 janar.
