Ministrja e Shtetit për Marrëdhëniet me Parlamentit, Elisa Spiropali, duke folur për protestat e qytetarëve pas vrasjes së Klodian Rashës, tha se nuk janë rrjedhojë e një revolte popullore, por e frymëzuar nga opozita, të cilët ajo i quajti të pafytyrë.
Spiropali tha se shteti nuk e ka mohuar ngjarjen dhe se efektivi do të marrë dënimin që meriton, pasi ngjarja është drejt zbardhjes.
E pyetur për protestat në Shkodër, ministrja u shpreh se gjithçka u organizua nga Voltana Ademi dhe protagonistët ishin militantët e PD.
Spiropali: Protestat kanë dorë politike, siç është rasti i Shkodrës dhe Voltana Ademi. Rasti kur janë prekur Muzeu, Biblioteksa apo selia e PS. Kjo nuk është një revoltë që buron nga populli, por e frymëzuar nga këta të pafytyrë. Nuk ka kuptim që protesta të tilla të lidhen me ngjarjen që ndodhi. Sepse shteti nuk e ka mohuar përgjegjësinë e policit. Arma ishte e shtetit, prandaj ngjarja është e rëndë. Është ngjarje episodike jo vrasje shtetërore. Prandaj polici po hetohet, do marrë dënimin. Prandaj ministri i Brendshëm moralisht dha dorëheqjen. Ndërkohë kemi përballë disa forca politike që nuk kanë ndjeshmëri për këtë çështje. Ata s’e kanë për asgjë djegien e vendit. Ngjarja është afër zbardhjes. Kamerat janë marrë. Por që të përdori Voltana Ademi në Shkodër këtë rast dhe të shkatërrojnë pronën publike dhe selinë tonë, është e pakuptimtë.
