Kryetarja e LSI-së Monika Kryemadhi e ftuar në “Log” i është përgjigjur pyetjes së drejtpërdrejtë të gazetarit Endri Xhafo, nëse ka qenë ajo organizuesja e protestës së qytetarëve në Tiranë.
Ajo u shpreh se do të ishte e nderuar nëse do të ishte ajo organizatorja, pasi sipas saj nuk do të kishte reagime të dhunshme nga ana e policisë apo e qytetarëve.
“Absolutisht jo. Do të ishte nder për mua të isha organizatore e një proteste aq të qetë të të rinjve të Tiranës, por vetëpërmbajtja ka bërë që me shpirt e zemër të ishim aty, dhe po të kishim qenë mund të mos kishte ndodhur dhuna ndaj protestuesve, apo edhe anasjelltas pasi vjen si lloj reagimi njerëzor.
Jo vetëm Përparim Spahiu, por shumë politikanë të tjerë kanë qenë në protestë. Ditën e parë ka qenë edhe vajza e Niko Peleshit, pse nuk thoni që e organizoi ai protestën?” tha Kryemadhi.