Vitet e fundit në Shqipëri ka patur një tendencë nga ana e artistëve që të drejtohen gjithnjë e me shumë në kahun e politikes dhe ndermarrjes së aksioneve e nismave publike.
Ka qenë reperi Stresi, ai që ditet e fundit është kthyer në “personazh protagonist” pasi u perpoq të udhehiqte protestën.
Argumentet e tij nuk janë të qarta dhe shpeshherë perfshijne edhe ofendime, por e sigurt është që reperi për shkak edhe te bindjeve familjare, bën tifo për Partinë Demokratike por se fundmi edhe per Presidentin Ilir Meta.
Por ndonëse më parë rastet kane qenë sporadike, fenomeni mori edhe më shumë “zë” gjatë debatit për prishjen ose jo të Teatrit.
Sot, vëllezerit Budina janë jo vetëm në profesionin e tyre të jetës por edhe folës herë pas here mbi aksionet e debatet politike. Veç marrjes pjesë në menyre aktive në protesta, të dy shihen edhe në emisionet e mbremjes. Fjalë pati, se Robert Budina mund të jetë edhe kandidat per deputet në listat e PD.
Veç tyre, shihet edhe Neritan Liçaj. Ky i fundit është aktiv ne rrjetet sociale por është bere pjesë së fundmi dhe ne programacionin e “Top Chanel”, në rubriken “Rrethi Katror” ku jep e ndan mendimin e tij, kryesisht kundër qeverisë dhe pro opozitës.
Mendon ndryshe nga ta, por Laert Vasili duket se ka qenë prej artisteve të parë që është perfshirë në debatet politike, disa prej tyre veçohen edhe shumë të zjarrta.
Vasili ka debatuar jo vetëm për çështjet që lidhen e shqetësojnë komunitetin e artistëve, por edhe për politikën aktive në vend.
Julian Deda, nuk i fsheh bindjet e tij dhe shpeshherë tenton të bëjë edhe protagonistin në rrjet kunder qeverisë Rama. Ndonjëherë keshillon edhe kryetarin e partisë, Lulzim Bashën per hapat që duhet te ndermarri me demokratët.
Deda ishte edhe pjesë e emrave të propozuar nga strukturat e PD, në listat per deputet të zgjedhjeve të ardhshme.
Nga ana tjetër, aktori ka rol kyç në programin e humorit “Klanifornia”.
AlpeNews.al
