Sherri mes disa personave në një lokal në Ishëm të Durrësit ka përfunduar në plagosjen e tre personave.
Ditën e sotme janë arrestuar edhe 3 autorët e ngjarjes të cilët akuzohen për veprën penale “Plagosja e rëndë me dashje. Në pranga ka rënë A. K., 36 vjeç, Xh. K., 21 vjeç, banues në Ishëm dhe R.(G). A., 34 vjeç, banues në Sukth.
Në bashkëpunim me njëri-tjetrin, rreth orës 22:00 të mbrëmjes së djeshme, dyshohet se kanë goditur me mjete të forta 55-vjeçarin me iniciale D.(P). K. dhe 62-vjeçarin S. A., ndërsa shtetasi R.(G). A. ka goditur me mjet prerës (thikë), 33-vjeçarin E. K., i cili ndodhet në spital, nën kujdesin e mjekëve, jashtë rrezikut për jetën.
Po ashtu është gjobitur edhe pronari i lokalit, i cili nuk ka respektuar masat e vendosura nga Ministria e Shëndetësisë për parandalimin e përhapjes së koronavirusit.
Njoftimi i policisë:
Goditën me mjete të forta dhe mjete prerëse 3 shtetas, arrestohen në flagrancë 3 autorët e dyshuar të ngjarjes.
Arrestohet dhe pronari i lokalit ku ndodhi ngjarja. Gjobitet edhe me masë administrative, pasi nuk respektoi orarin për mbylljen e aktivitetit.
Specialistët për Hetimin e Krimeve në Stacionin e Policisë Manzë arrestuan në flagrancë, për veprën penale “Plagosja e rëndë me dashje”, shtetasit:
A. K., 36 vjeç, Xh. K., 21 vjeç, banues në Ishëm dhe R.(G). A., 34 vjeç, banues në Sukth.
Këta shtetas, në bashkëpunim me njëri-tjetrin, rreth orës 22:00 të mbrëmjes së djeshme, në ambientet e lokalit në pronësi të shtetasit Sh. I., dyshohet se kanë goditur me mjete të forta shtetasit D.(P). K., 55 vjeç dhe S. A., 62 vjeç, ndërsa shtetasi R.(G). A. ka goditur me mjet prerës (thikë), shtetasin E. K., 33 vjeç, i cili ndodhet në spital, nën kujdesin e mjekëve, jashtë rrezikut për jetën.
Në vijim të veprimeve u arrestua në flagrancë edhe shtetasi Sh. I., 31 vjeç, banues në Ishëm (pronari i lokalit ku ka ndodhur ngjarja), për veprën penale “Moskallëzim krimi”, pasi nuk ka njoftuar Policinë për konfliktin e ndodhur në ambientet e lokalit të tij. Gjithashtu, nga shërbimet e Policisë i është vendosur masë administrative 1.000.000 lekë, pasi nuk ka respektuar orarin e vendosur për mbylljen e aktivitetit.
Materialet i kaluan Prokurorisë së Rrethit Gjyqësor Durrës, për veprime të mëtejshme.
