Virologu italian Giorgio Palù, ka deklaruar se koronavirusi është vërtetë i rrezikshëm e për disa edhe vdekjeprurës, por në përgjithësi përqindja e vdekjeve është e ulët dhe sipas tij nuk është as afër nivelit të murtajës.
“Duhet ta ndalim këtë histeri”, ka deklaruar Palu gjatë një interviste dhënë për “Corriere dela Serra”.
Ai ka paralajmëruar se karantinimi i ri në tërë territorin e Italisë do të ishte “vetëvrasje për ekonominë, ndëshkim për studentët dhe nxënësit dhe do të nënkuptonte diskriminim për ata që vuajnë nga sëmundjet tjera, mbi të gjitha për ata që janë të prekur nga kanceri sepse për ata nuk do të kishte vend nëpër spitale.
Profesori i Universitetit të Padovës dhe dikur president i Asociacionit Evropian të Virologëve, ka thënë se “situata në repartet e kujdesit intensiv është tregues i besueshëm i infeksionit me COVID-19, sepse vetëm ato të dhëna japin pamjen reale të infeksionit”.
