Kryeministri Edi Rama i ka kërkuar llogari presidentit të serbisë Aleksandër Vuçiç për deklaratën e bërë nga Ministri i Mbrojtjes Aleksandar Vulin i cili tha se Rama po përpiqet që të krijojë “Shqipërinë e Madhe” , referuar këtu diskutimeve dhe marrëveshjeve të nënshkruara në mbledhjen e dy qeverive Kosovë-Shqipëri ditën e djeshme.
Rama i ka bërë tag Vucic dhe teksa e pyet, shkruan se shpreson që kjo deklaratë të mos jetë e vërtetë, në të kundërt sipas tij duhet ta ndëshkojë ministrin për këtë shfaqje të mjerë.
“Vucic, Aa është kjo e vërtetë apo është një meme që tallet me trurin e kulluar dhe gojën e ndyrë që e mbajti të gjithë rajonin tonë në errësirë për shekuj? Unë uroj shumë që të jetë një meme, përndryshe kjo do të ishte një shfaqje e dëshpëruar e të menduarit të mjerë që duhet ta dënoni pa asnjë dyshim”, shruan Rama.
Ndërkohë ministri Vulin ndër të tjera në deklaratën e tij thekson se nuk mund t’i ndalohet serbëve ajo që u lejohet shqiuptarëve.
“Duke deklaruar se porti i Durrësit do t’i përkasë Kosovës, Edi Rama vazhdoi me përpjekjet e tij për të krijuar një “Shqipëri të Madhe “. Si gjithmonë, Bashkimi Evropian do të qëndrojë i heshtur dhe nuk do të bëjë asgjë. Shiptarët lejohen të bashkohen dhe të kapin territoret e njerëzve të tjerë, por serbët nuk lejohen të bashkohen as në vendin e tyre.
Kjo është një përsëritje e një gënjeshtre se “Shqipëria e Madhe” është një Shqipëri e natyrshme dhe Serbët e bashkuar në një shtet janë një kërcënim për paqen”, tha Ministri i Mbrojtjes Aleksandar Vulin duke komentuar provokimet e reja nga Edi Rama.
“Shqipëria e Madhe” është një paralajmërim i një katastrofe të madhe, ndarja dhe shkatërrimi i shteteve dhe kombeve në Ballkan. Vetëm serbët e bashkuar mund të ndalojnë “Shqipërinë e Madhe” dhe sa më shpejt të bashkohemi institucionalisht, aq më shpejt koha e paqes do të fillojë në Ballkan. Ju nuk mund t’i ndaloni serbët të bëjnë gjërat që ju lejoni shqiuptarëve”, shtoi Ministri Vulin.
