Ish-deputeti i PS Fatmir Toçi ka treguar pasditen e sotme se ka humbur 20 kilogramë që kur u prek nga Covid-19.
Toçi është shprehur për Neës 24 se pas 3 javësh i shtruar në Spitalin “Shefqet Ndroqi” ka humbur vetëdijen dhe mbante mend pak gjëra. “Në ditët e para të spitalit dhe kur drejtuesit e Spitalit Shefqet Ndroqi vendosën të kalojnë në reanimacion, ku ndenja 3 javë, kam pasur një proces kur humba vetëdijen dhe mbaja mend pak gjëra”, tha Toçi.
Më tej, ai tregoi se i kishin propozuar të shkonte për kurim jashtë vendit por mjekët e Shefqet Ndroqit i kishin dhënë besim.
“Më kanë propozuar të shkoja jashtë vendit. Por kjo ka dy gjëra, ose ta mbulojë shteti ose ta përballosh vetë me shuma që janë shumë të mëdha. Por kur unë shkova te Shefqet Ndroqi, mjekët atje e morën përsipër kurimin dhe më dhanë besim”, u shpreh ish-deputeti socialist, tashmë i shëruar.
Ai tha se mushkëritë i ishin prekur në masën 70%.
