Nënkryetari i LSI, Petrit Vasili ka përshëndetur deklaratën e eurodeputetit Michael Gahler duke falenderuar edhe vetë Partinë Popullore Europiane për mesazhin e qartë.
Vasili thotë se PPE flet për popullin shqiptar dhe u çjer maskën ndryshimeve kushtetuese të Ramës.
Sipas tij, PPE nuk bën kompromise me Ramën si disa të tjerë që mbyllin sytë para kriminalizimit të Kushtetutës së Shqipërisë.
Duket se nënkryetari i LSI e ka me ndërkombëtarët që heshtën ditën e djeshme për ndryshimet kushtetuese ose që nuk i dënuan ato.
Postimi i plote i Vasilit:
Faleminderit PPE garanci e palekundur e vlerave, themeleve dhe parimeve te Europes Demokratike.
Faleminderit PPE qe flet qarte per popullin shqiptar dhe jo per zuzaret e pushtetit.
Faleminderit PPE qe i tregon horrave te droges se kush jane vlerat e verteta te demokracise.
Faleminderit PPE, qe i çjerr masken ndryshimeve Kelliro-Kushtetutese te Rames dhe zorrave qorre.
Faleminderit PPE qe nuk ben kompromise me narkoshtetin e Rames por u jep shembullin edhe atyre qe mbyllin syte perpara kriminalizimit te kushtetutes.
Reagimi i plotë i zëdhënësit të PPE:
“Është për të ardhur keq dhe i shoh mjaft të diskutueshme qëllimet e vërteta që partia qeverisëse e Shqipërisë prishi konsensusin e arritur ndërkombëtarisht me opozitën reale dhe dje ndryshoi në mënyrë të njëanshme kushtetutën.
Është e papranueshme për askënd që qeveria Rama, e cila dëshiron hapjen e negociatave me BE, të ndryshojë në mënyrë arbitrare kodin elektoral.
Nëse kjo qeveri dëshiron vërtet hapjen e negociatave me BE, si mund të mos pranojnë këshillat e Parlamentit Evropian, Komisionit Evropian dhe shteteve anëtare për një çështje kaq të ndjeshme dhe themelore për demokracinë.
Grupi i PPE do të monitorojë me kujdes veprimet e ardhshme lidhur me kodin zgjedhor dhe do të nxisë me forcë që të arrihet konsensusi me opozitën brenda Këshillit Politik.
U takon partive dhe popullit shqiptar të mbrojnë demokracinë dhe perspektivën e tyre evropiane.”
