Dy persona kanë rënë në prangat e Policisë së Vlorës për veprën penale “Prodhimi dhe shitja e narkotikëve”.
Arrestohet shtetasi E. P., 30 vjeç, banues në Lushnjë. Ky shtetas u kap në dhomën e tij të pushimit në Dhërmi, pasi gjatë kontrollit iu gjetën 16 doza lëndë narkotike të dyshuar si canabis sativa.
Gjithashtu është arrestuar edhe D. K., 37 vjeç, banues në fshatin Fermë Çlirim, Fier, pasi ditën e djeshme është kapur në rrugën e Ksamilit dhe gjatë kontrollit personal iu gjetën 2 doza lëndë narkotike të dyshuar si canabis sativa.
Materialet iu referuan Prokurorisë për veprime të mëtejshme.
