Presidenti Ilir Meta nuk i ka shpëtuar pyetjes ngacmuese të moderatorit Ermal Mamaqi nëse ai do të rikthehet në LSI pas mbarimi të mandatit të kreut të shtetit.
Ai u treguar tejet i rezervuar, ndërsa theksoi se nuk ishte momenti dhe vendi për t’ju përgjigjur kësaj pyetjeje.
PYETJE NGA FACEBOOK
Cili brez do hyjë në Europë, se këta nuk hyjnë. Se çdo 5 vjet na thonë se do hyjmë?
Ka një nervozizëm në këtë drejtim. Por nuk duhet të harrojmë se 27 vite më parë ishim të gatshëm të mundnim edhe traktatin e Varshavës dhe NATO-n. Por sot jemi pjesë e NATO-s dhe lëvizim lirshëm. Na duhet punë për të qenë pjesë e BE. Ndaj shpresoj që ky vit të jetë viti i çeljes negociatave.
Kur të përfundoni mandatin si president do garonit si kryetar i Bashkisë së Skraparit?
Do ishte kënaqësi, por ai që është, është më i zoti.
A mund t’ja mbushni mendjen kryeministrit për amnisti?
Mund t’ja çoj atij në FB, se e sheh. Do e shohim këtë çështje.
Nëse emri jot do ketë emrin e një shishe rakie mendoni se do eci?
Nuk e di, unë nuk shqetësohem, pasi nëse është raki e mirë, do të eci.
A do të kandidoni për kryetar të LSI pas mbarimit të mandatit?
Mendoj se është një pyetje që nuk ka lidhje me emisionin dhe ditën e shtunë. Duhet të bëjmë pak pushim.
Pse nuk aplikoni për lotarinë amerikane?
Nuk më pëlqen që të jetoj askugjëkundi sesa në Shqipëri.
/bw
