Një tjetër skaf me 550 kg marijuanë është kapur në brigjet italiane. Në pranga kanë rënë 2 skafistët një shqiptar 29 vjeçar e një shtetas italian 33 vjeç. Skafi është identifikuar nga roja bregdetare italiane gjatë natës së shkuar në ujërat e Brindizit. Pas një ndjekje të shkurtër skafi është ndaluar nga roja bregdetare italiane.
Në bordin e skafit prej 6.5 metra të gjatë janë gjetur rreth 550 kg marijuanë e konfiskuar në 67 pako. Vlera e drogës sipas financës italiane përllogaritet të kapte një fitim prej 5 milionë euro. Financa italiane bën me dije se prej fillimit të vitit 2018 në rajonin e Puglias janë arrestuar 35 skafistë, janë sekuestruar 14 tonë marijuanë dhe 14 mjete lundruese.
DEKLARATA E POLICISË SË SHTETIT
Policia e Shtetit dhe forcat policore italiane në veçanti Guardia di Finanza e Pulias kane finalizuar nje tjeter operacion duke goditur tentativen per trafik narkotikesh drejt Italise. Autoritetet arrestuan 2 trafikantet, nje shtetas italian me iniciale W.F. dhe shtetasi shqiptar me iniciale V.B. Ne Brindizi u kap dhe sekuestrua skafi me te cilin u tentua te trafikohej droga, si dhe 550 kg marijuane. Aktivizuar edhe ne kete rast bashkëpunimi tashmë i konsoliduar operativ dhe informativ me autoritetet e Policise shqiptare nëpërmjet nuklit të kufirit detar të Guardia di Finanza dhe zyrës së ndërlidhjes së Policisë shqiptare në Itali. Hetimet po vijojne ne te dy krahet e kufirit per te zbuluar persona te tjere te implikuar.
