Kujdesi i mirë për sytë fillon në moshë të vogël.
Veprimet që ndërmerrni kur jeni më të vegjël mund të ndikojnë në shëndetin e syve tuaj në të ardhmen. Në moshë të re duhani duket se nuk i dëmton sytë tuaj, por kur të kalojë koha dëmtimi do të fillojë të shfaqet. Në mënyrë që të mbani një shëndet sa më të mirë të syve dhe ta promovoni këtë të fundit, ka disa ndryshime në mënyrën e jetesës që mund të ndërmerrni për t’ia arritur këtij qëllimi.
1. Mos pini më duhan. Duhani rrit shanset për degjenerim makular me kalimin e moshës, sëmundje që dëmton mprehtësinë e shikimit tuaj dhe që mund të çojë deri në verbim. Duhanpirësit janë edhe më të prirur ndaj kataraktës, rast kur bebja e syrit vishet nga një cipë që pengon shikimin. Kur të lini duhanin, rreziku reduktohet ndjeshëm.
2. Ruani një peshë të shëndetshme. Bëni ushtrime të rregullta dhe ruani një dietë sa më të mirë. Nëse jeni mbipeshe atëherë jeni në rrezik për diabet të tipit të dytë. Personat me diabet të tipit të dytë janë më të prirur ndaj problemeve me sytë.
3. Konsumoni ushqime që ndikojnë mirë në shëndetin tuaj. Konsumoni perime me gjethe të gjelbra të errëta. Spinaqi është shumë i këshillueshëm. Merrni sasi të mira të antioksidantëve. Në mënyrë që të parandaloni sindromën e syve të thatë, konsumoni peshk me yndyrë si për shembull salmon dhe ton, të cilët përmbajnë acide yndyrore omega-3. Konsumoni patate të ëmbla për të marrë vitaminë A, që ndihmon në përmirësimin e shikimit.
4. Evitoni ambientet që mund të thajnë sytë tuaj; këto mund të dëmtojnë shëndetin tuaj. Ndizni një njomështues ajri në mënyrë që ta mbani ajrin sa më të njomë.
5. Mbani syze në ditët me diell në mënyrë që të mbroheni nga rrezet ultraviollcë (UV).
