Kryeministri Edi Rama ka bërë me dije se shteti do i jap 500.000 lekësh të reja për familjen e 10-vjeçarit që u përplas për vdekje nga ambulanca në Kakavijë.
“ Sot vendosëm që si qeveri të asistojmë familjen e të miturit që humbi tragjikisht jetën pasi i preu rrugën autoambulancës në Kakavi, me një shumë prej 500.000 lekësh të reja, duke i rishprehur dhe njëherë familjes ngushëllimet tona më të ndjera. Engjëlli i vogël u dhëntë forcë”, tha Rama.
Samuel Ndoj humbi jetën tragjikisht mesditën e 15 gushtit teksa u përplas nga një ambulancë, në pritje për të kaluar drejt Greqisë. Ndoji kishte ardhur me pushime në fshatin e tij të lindjes, Kallmet të Lezhës së bashku me familjen e tij. Vetëm pak ditë më parë, ai kishte festuar 10-vjetorin.
