Bota e modës në ‘Instagram‘ mund të jetë shumë e egër, por kjo ikonë sapo na provoi se jo domosdoshmërisht duhet të jesh i/e re për të dominuar.
Lyn Slater është një profesoreshë 64-vjeçare, por stili i saj është bërë kaq popullor në Instagram sa ia ka dalë të ndikojë më shumë se 300.000 njerëz që e ndjekin.
Ish-mësuesja e quan veten aksidentalisht ikonë, vetëm se është ndodhur në vendin dhe kohën e duhur.
Ajo tregon se gjatë javës së modës në New York, po kalonte rastësisht aty dhe veshja e saj ka tërhequr vëmendjen e fotografëve, të cilët papritur e kanë rrethuar duke menduar se duhet të jetë një emër i njohur në industrinë e modës.
Dhe këtë, 64-vjeçarja e arriti vetëm falë sharmit dhe elegancës me të cilën mbante veshjen dhe çantën Channel. Që prej aty, nisi fama e saj dhe fotografitë u përhapën kudo në rrjete sociale.
Pasi kuptoi realisht rëndësinë e asaj që po i ndodhte mendoi të hapte një llogari Instagram-i dhe gjithashtu një blog i cili rezulton të jetë më shumë se i suksesshëm./ anabel