Hungaria është e angazhuar të punojë në mbështetje të zgjerimit të Bashkimit Europian, i cili është në interes të Europës dhe Hungarisë, tha Ministri i Jashtëm hungarez, Péter Szijjártó të enjten në Tiranë, pas takimit me kryeministrin shqiptar Edi Rama.
Szijjártó tha se, qasja e Këshillit Europian dhe disa vendeve të Europës Perëndimore, që çoi në ngecje në bisedimet e pranimit, ishte “hipokrite dhe jashtëzakonisht e dëmshme”.
Zgjerimi i vazhdueshëm i BE dhe integrimi i Ballkanit Perëndimor janë në interesin strategjik dhe ekonomik të Hungarisë, tha Szijjártó në një konferencë për shtyp.
“Zvarritja e procesit mund të sjellë që Hungaria të ketë më pak mundësi të “mbështetet më pak tek ato vende” në mbajtjen e valës tjetër të migracionit”, tha ai.
Hungaria ende shpreson të marrë portofolin e zgjerimit në Komisionin Europian, tha Szijjártó, “pasi kjo do të ishte një mënyrë për të garantuar rigjenerimin e procesit të zgjerimit”.
Duke folur në një forum të Organizatës së Sigurisë dhe Bashkëpunimit në Europë, Szijjártó kundërshtoi vendimin e BE për të shtyrë zgjerimin e BE dhe hapjen e bisedimeve të anëtarësimit me Shqipërinë dhe Maqedoninë e Veriut.
