Kreu i Kuvendit, Gramoz Ruçi ka uruar Besiana Kadarenë, vajzën e Ismail Kadaresë për marrjen e detyrës si zv.presidente e Asamblesë së Përgjithshme të OKB-së.
Ruçi thotë se ky është një sukses kombëtar dhe politik. Më tej ai uron që Kadare ta kryejë me sukses detyrën e rëndësishme, dhe të lartësojë emrin dhe dinjitetin e Shqipërisë në arenën ndërkombëtare
NJOFTIMI NGA KUVENDI
Kryetari i Kuvendit, z. Gramoz Ruçi, uron Zëvëndsëpresidenten e Asamblesë së OKB, Besiana Kadare
Kryetari i Kuvendit, z. Gramoz Ruçi, uroi sot Përfaqësuesen e Përhershme të Shqipërisë në OKB, Besiana Kadare, për zgjedhjen Zëvëndëspresidente e Sesionit të 75-të të Asamblesë së Përgjithshme të Organizatës së Kombeve të Bashkuara.
“Zgjedhja juaj si Përfaqësuese e Përhershme e Shqipërisë, në detyrën e lartë të Zëvëndëspresidentes së Sesionit të 75-të të Asamblesë së Përgjithshme të OKB-së është një sukses kombëtar dhe politik. Uroj ta kryeni me sukses këtë mision dhe ta përdorni maksimalisht këtë mundësi për të lartësuar emrin, dinjitetin dhe kontributin e atdheut tonë në arenën ndërkombëtare.”, shkruan Kryetari i Kuvendit, z. Gramoz Ruçi
