Një zyrë në zonën e bulevardit “Dëshmorët e Kombit” është përfshirë nga flakët e zjarrit, ndërsa bëhet e ditur nga burimet në vendngjarje se nuk ka lëndime në njerëz, vetëm dëmtime materiale.
Zjarrfikësit dhe emergjencat kanë arritur në kohë të shuajnë vatrat e vogla të flakëve që kishin përfshirë zyrën e një biznesi në godinën nr.1 të atyre që njihen si “Kullat Binjake”.
Ndërkohë detaje të reja kanë dalë nga burimet në vendngjarje, bëhet e ditur se zyra e cila është përfshirë nga flakët është ajo e avokatit të njohur Maks Haxhia. Nuk dihen ende shkaqet e zjarrit, por raportohet se zyra ndodhet në katin e 13-të, dhe ka patur një problem me shkarkesat elektrike.
/ALPENews.al
