Prej ditës së djeshme zjarri në Qeparo vijon të djegë sipërfaqe të madhe pyjore. Zjarri ka rënë në një mal të pyllëzuar. Për të bërë të mundur shuarjen e këtyre flakëve është ndërhyrë me helikopter nga ajri, ndërsa situata duket të jetë ende kritike.
Era e fortë e vështirëson punën e helikopterit, i cili ka hasur pengesë në mbushjen e ujit dhe transportin e tij drejt vatrave aktive të zjarrit.
Abc News ka siguruar pamje, teksa duken përpjekjet e helikopterit, për të vënë nën kontroll vatrat e zjarrit. Aktualisht, referuar deklaratave të policisë, raportohet se nuk ka rrezik për banesat./
