Banorët e pallatit ku ra zjarri pasditen e kësaj të diele kanë treguar momentet e para të ngjarjes.
Për Ora News një banore tha se flakët filluan nga katet e poshtme të pallatit. Ndërsa zjarrfikësja erdhi 30 minuta pasi u njoftua. Ata dyshojnë se shkak mund të kenë qenë instalimet e dobeta elektrike.
“Nuk e dimë si ra zjarri, vetëm dëgjuam zhurma, që po vinte zjarri nga katet e poshteme. Filloi një tym i zi. Na kapi paniku. Pas 30 minutash erdhi zjarrfikësja. Erdhi policia më pas zjarrfikëset. Jemi 32 familje në pallat. Ne ishim dy persona në familje, djalin nuk e kisha. Erdhi ndihma e shpejte”.
“Instalimi është i dobët. Para tre vitesh ka rënë zjarri në pallat dhe nuk është bërë asgjë”, tha një tjetër banore.
