Burimet nga grupi hetimor të përbërë nga 2 ekspertë të luftës kundër zjarrit dhe një OPGJ kanë që dje që po hetojnë për shkaqet e zjarrit në fabrikën e tullave në Maminas.
Burimet për Report Tv thanë se ishte një fabrikë moderne rreth 7 milion euro me teknologji më moderne për prodhimin e tullave e cila ende nuk kishte hyre në prodhim, por prodhonte në mënyrë eksperimentale. Dje rreth orë 11:00 kanë qenë 120 punëtorë në fabrikë dhe ndërmjet ka qenë Besnik Bojaku, saldator. Ka qenë afër vatrës së zjarrit duke punuar aty ka pësuar djegie të konsiderueshme, ka ndërruar jetë në spital. Të gjithë punëtorët e tjerë kanë dalë pa lëndime. Ndërkohë nga këqyrja paraprake është vënë re se muret e fabrikës janë sanduiç dhe ndërmjet tyre kalojnë me mijëra kabuj elektrike dhe është e vështirë për të gjetur se ku është shkaktuar zjarri. paraprakisht dyshohet se ka ndodhur nga shkëndija elektrike.
Për momentin e kanë përjashtuar si pistë shpërthim nga gazi që shërben për të vënë në punë furrat e pjekjes së tullave sepse nuk ka pasur eksplodim (shpërthim) Zjarrin e kanë ndihmuar depozitat e makinerive me naftë. Të dhënat Arturi nga akt-ekspertiza paraprake. Fabrika ne pronësi Asllan Baraj ishte e siguruar.
