Pas përfshirjes nga flakët të disa magazinave në zonën e “Frigoriferit” në Tiranë ditën e djeshme, sot çdo gjë duket e shkrumbuar.
Në brendësi të magazinave kishte vegla pune elektrike dhe mallra industriale.
Gjithashtu ngjitur me magazinën ndodhej dhe një godinë 4-katëshe, në të cilën ishin zyrat dhe banesa e pronarit.
Pranë magazinave që u përfshinë totalisht nga flakët, ndodhej dhe një mobileri e rrobaqepësi, por kanë dalë pa dëme nga kjo ngjarje.
Në vendin e ngjarjes ditën e djeshme kanë qenë fillimisht tre zjarrfikëse që po operonin për shuarjen e flakëve, ndërsa më pas kanë shkuar edhe dy zjarrfikëse të tjera. Qarkullimi në këtë zonë u bllokua për të lejuar lëvizjen e autoboteve me ujë por edhe për të evituar ndonjë rrezik të mundshëm. Po kështu u evakuuan edhe banorët pasi flakët shkojnë në 30 metra.
