Kryetari i Bashkisë së Kukësit, Safet Gjici ka ngritur alarmin sa i takon situatës aktuale në tunelin e Kalimashit.
Ai tha për emdiat se vija e zjarrit sipër tunelit është 3.5 kilometra e gjatë, saqë dhe helikopteri e kishte të pamundur ta fikte.
Në ndihmë të situatës kanë shkuar forca policore nga Lezha dhe Shkodra. Janë nisur Forcat e Armatosura tonat dhe FSK-ja e Kosovës.
Safet Gjici: Kjo situatë vijon prej 5 ditësh. Kemi organizuar 150 forca për fikjen e zjarrit ndërsa po presim dhe ndihma nga Kosova. Jemi duke punuar për të izoluar flakët. Fatmirësisht se nga zjarri pranë tunelit nuk rrezikohen banesat. Në këto momente situata paraqitet e vështirë. Vija e zjarrit pranë tunelit është 3.5 km. Helikopteri e pati të pamundur t’i shuajë flakët ndërsa janë nisur dhe forcat e armatosura.
