Prej më shumë se një jave lufta e Turqisë me zjarret vazhdon. Deri më tani 160 nga 174 vatra zjarri në 38 provinca janë vënë në kontroll. Në 14 zonat që ende janë të përfshira nga flakët lufta vazhdon.
Ndërkohë që në disa fshatra në jug të Turqisë janë detyruar të evakuohen disa fshatra.
Zjarri filloi në lagjen Beyciler të Milas në provincën e Mugla dhe u përhap në katër lagje në Bodrum, duke arritur në lagjet Turkevleri dhe Oren.
Flakët, të cilat u përhapën shpejt me erën e fortë, i detyruan banorët e një zone të largoheshin nga shtëpitë e tyre.
Të martën më parë, Ministri i Brendshëm Suleyman Soylu tha se 16,603 banorë janë evakuuar për shkak të zjarreve në jug të vendit.
Të paktën tetë persona kanë humbur jetën në zjarret që nga fillimi i së mërkurës së kaluar.
