Filloi takimi mes kryeministrave të Maqedonisë dhe Greqisë, Zoran Zaev dhe Alexis Tsipras në Davos të Zvicrës në kuadër të Forumit ekonomik botëror, përcjell Telegrafi Maqedoni.
Në fokus të takimit është zgjidhja e çështjes së emrit. Ende nuk ka paralajmërim për konferencë të përbashkët për shtyp pas takimit mes dy kryeministrave të shteteve fqinje.
Ditën e premte Zaev do të takohet me komisarin evropian për zgjerim dhe marrëdhënie fqinjësore, Johannes Hahn, ndërsa në ndërkohë është paralajmëruar vizitë e ndërmjetësit Nimetz në Shkup gjatë javës së ardhshme.
Në takimin e fundit në kuadër të negociatave për emrin që u mbajt më 17 janar në New York, ndërmjetësi Nimetz shpalosi disa propozime dhe tha ka shpresa për gjetjen e zgjidhjes përfundimtare për kontestin e emrit.
