Opozita parlamentare që pritet te takohet sot me kryeministrin Rama për konsesusin e “Reformës Zgjedhore” duket me shumë se asnjeherë tjetër e përçarë në ide dhe vendimarrje.
Me qendrime që ndryshojnë nga e hëna në të martë, deputetët e dalë nga listat e PD dhe LSI po flasin për shantazhe, në kembim të votës pro për Zgjedhoren që tanimë i ka mbetur vetem votimi në Kuvend pasi të gjitha procedurat e tjera kanë perfunduar.
Vetë perfaqesuesja e opozitës parlamentare në tryezë, Rudina Hajdari ka qenë nje nga firmëtaret e marrëveshjes ndonëse sipas saj e ka bërë vetëm prej “presionit” ndërkombëtar.
Nga ana tjetër, po Rudina ka folur sot për shantazh por duke mos dhënë qoftë edhe një provë.
“Jemi për të zbuluar nëse Rama e ka seriozisht apo jo. Ka premtuar që që do e shikojë çështjen e sistemit pas marrëveshjes. Ta mbajë premtimin! Ndërkohë po shantazhohen deputetët që të votojnë Reformën Zgjedhore.”
Një tjeter deputet i opozitës, Lefter Maliqi bëri dhe “dezertimin” i pari. Pasi sulmoi ashpër nderkombëtaret dhe tha se nuk do e votonte kurrë reformën diten e djeshme bëri prapaktheu kur lajmëroi se kjo e fundit do i bënte mirë Shqipërisë e se vota e tij do ishte pro.
Maliqi tha se ka kontakte me 6-7 deputetë, dhe aktualisht kanë filluar telefonatat, SMS-të, madje dhe shantazhet për të votuar reformën.
“Rama komandon opozitën e re me Ballët e tij, ka dhe shantazh, motoja e Ramës është përça e sundo, përçau banorët e Astirit, artistët, mediat, po kështu edhe opozitën.”
Suzana Topi, një tjeter deputete ardhur nga radhët e LSI deklaroi sot se do të votojë pro pasi vetëm kështu Shqiperia do të fitojë.
Megjithë deklaratat që duket se kanë per qëllim të ushtrojnë presion tek vetë deputetët e tjerë (edhe pse të dy llogjikisht janë pro) e vërteta e thjeshtë është se maxhorancës i duhen vetëm dy vota për miratimin e procesit.
Prej këtej, “shantazhi” mbetet vetëm një mashtrim i madh.
AlpeNews.al
