Në emisionin “Open” në News24 me gazetaren Eni Vasili, mbrëmjen e sotme po diskutohet në lidhje me situatën brenda Partisë Demokratike pas vendimit të Gjykatës së Apelit në lidhje me vulën e PD.
Në një lidhje skype, kryetar i Këshillit Kombëtar të Berishës, Edi Paloka , duke komentuar propozimin e Enkelejd Alibeajt për një kandidat të përbashkët e fitues për zgjedhjet lokale, është treguar i prerë duke qenë kundër.
Ai tha se më mirë do të ishte bashkëpunimi me kryeministrin Edi Rama se sa bashkëpunimi me grupimin e Alibeajt.
“Vetëm fakti që ky propozim del nga goja e Alibeajt…Kandidatët kanë dalë nga vota e anëtarësisë. Kush do ti mbështesë është i mirëpritur. Kush mendon se është mashtruar edhe së fundmi nga Alibeaj është i ftuar të na bashkohet.
Nëse na duhet të bashkëpunojmë me dikë për zgjedhjet më mirë bashkëpunojmë me Ramën. Pse duhet t’i biem nga Alibeaj për të arritur tek Rama?”, ka deklaruar ai.
