Sot po mbahen zgjedhjet për kryetar në Partinë demokratike. Në garë siç dihet janë Lulzim Basha, Farbardh Kadilli, Edith Harxhi dhe Agron Shehaj.
Mirëpo, procesi nuk ka nisur aq i qetë sa duhej pasi menjeherë kane ardhur edhe akuzat e para nga selia blu.
I pari ka qenë kandidati Agron Shehaj, i cili nepermjet një reagimi u shpreh se vezhguesit e tij po perjashtohen nga qendrat e votimit.
“Votimet në PD kanë filluar me një standard demokratik shume të ulët. Ne jemi duke mbledhur fakte e të dhëna për të gjitha shkeljet dhe parregullsitë. Fatkeqësisht, më duhet të them se, në një pjesë të madhe të vendeve të votimit vëzhguesit e mi po përjashtohen, po ndalohen apo po pengohen që të monitorojnë procesin,” shkruan Shehaj.
Më poshtë mund të shikoni votën e njërit prej anëtarëve i cili e ka publikuar atë në facebook, bashkë me kartën e identitetit.
E papritur ishte edhe levizja e ish kreut të PD, Sali Berisha, i cili pasi votoi ka qendruar rreth 2 orë në zyren e Lulzim Bashës, brenda ambienteve të selisë blu.
Kujtojmë se votimi ka nisur prej ores 08:00 të mengjesit dhe pritet të perfundojë në 19:00.
AlpeNews.al
