Ditën e sotme janë mbajtur zgjedhjet parlamentare në Malin e zi, ku partitë shqiptare janë të ndara në dy koalicione, ndërsa “lufta” për pushtet është mes Partisë Social Demokrate dhe asaj pro serbe Fronti Demokratik.
Koalicioni i parë i partive shqiptare përbëhet nga Alternativa Shqiptare, Forca, Lidhja Demokratike Shqiptare, Unioni i Tuzit dhe Perspektiva dhe tjetri nga Partia Demokratike, Unioni Demokratik i Shqiptarëve, Lidhja Demokratike në Mal të Zi dhe PQSHI.
Ndërkohë janë numëruar më shumë se 82% e votave, me partinë e Milo Gjukanoviç që udhëheq me 29 mandate, por fitorja nuk është e sigurtë, pasi partitë e opozitës së bashku me këtë ndarje mandatesh bëhen shumicë.
Ehe partitë shqiptare duket se po ia arrijnë qëllimit të fitojnë 2 deputetë, pasi me rezultatet e deritanishme shqiptarët e Malit të Zi do të kenë dy përfaqësues në parlament.
Pritet edhe numërimi i pjesës së mbetur të votave që Mali i Zi të shpallë zyrtarisht fituesin e këtyre zgjedhjeve të mbajtura në kohë pandemie.
