Kryeministri i Kosovës, Albin Kurti i është drejtuar ditën e sotme kutive të votimit, ku ka shfrytëzuar të drejtën e tij për të votuar në zgjedhjet lokale.
Nëpërmjet një komunikimi për mediat, Kurti i ka bërë thirrje qytetarëve që të ushtrojnë të drejtën e votës, ndërsa shtoi se së bashku me qeverinë do të punojë për fuqizimin e komunave.
“Si qytetar i Republikës ushtrova të drejtën për të votuar në këto zgjedhje të lira. Qytetarët në Kosovë sot vendosin se kush do të jenë udhëheqësit e tyre. Inkurajoj të gjithë qytetarët që të shfrytëzojnë këtë moment demokracie.
Si kryeministër unë bashkë me qeverinë tonë do të punojmë në fuqizimin komunave. 4 vite të mbara, të mira i presin qytetarët anekënd Kosovës ku ata jetojnë dhe punojnë”, deklaroi Kurti.
