Nënkryetarja e Partisë Demokratike, Grida Dumi deklaroi në Debat se “Foltorja” me kandidatët e prezantuar ditën e hënë nga Sali Berisha për zgjedhjet e pjesshme lokale të 6 marsit, tregoi se nuk ka figura konkurruese me peshën e duhur për t’u prezantuar përpara qytetarëve.
Duma komentoi dhe zgjedhjet për caktimin e këtyre kandidatëve, duke thënë se ato nuk ishin primare pasi mungoi debati dhe shtoi se e dinte që në fillim se cilët nga emrat do të fitonin në këtë garë.
“Këto primare nuk kanë asnjë risi. Primaret janë kur 2 apo 3 kandidatë të caktuar bëjnë një debat mes tyre. Nuk është risi për të votuar 1 nga 3 kandidatët që ke paraqitur.
Unë e dija kush do dilte nga emrat e zgjedhur. Është e shëmtuar që në politikën shqiptare vijon hipokrizia e madhe. Kur kandidatët e Foltores nisën të bëjnë fushatën para se të zgjidhen apo përzgjidhen.
Unë dija kush do dilte në Shkodër. Unë e dija kush do dilte në Durrës. Grupi i Rithemelimit, se nuk e di dhe si e kanë quajtur veten ekzaktësisht pasi është njëherë Foltorja, njëherë Rithemelimi, njëherë Shtëpia janë njerëz të PD. Ata e dinë se kur anëtarësia është tek 600 veta thonë morën pjesë 300.
E gjithë Foltorja ka treguar se nuk ka ditur të tregojë se ka figura konkurruese. Të gjithë ata kanë punuar për PD, por peshën për të qenë kandidatë nuk e kanë”, tha Duma.
