Partia Socialiste ka zgjedhur të garojë për bashkinë e Vorës me Agim Kajmakun. Kandidatura e tij u konfirmuar ditën e djeshme, ndërsa koalicioni ASHE do të tentojë të marrë në administrim më 30 Qershor bastionin historik të PD-së.
Deputeti socialist Sadi Vorpsi ka publikuar pasditen e së dielës edhe foto nga prezantimi i Kajmakut, duke zbuluar kështu foton e tij. Nga ana tjetër, deputeti shprehet i bindur për nëj fitore të thellë të Kajmakut në Vorë. Nga postimi i Vorpsit në Facebook duket se gjatë prezantimit kanë marrë pjesë edhe kreu i PS Tiranë, Blerina Gjylameti si dhe i deleguari Fatmir Xhafaj.
Postimi i plotë: Sot prezantuam kandidatin e Partisë Socialiste dhe të koalicionit ASHE për Bashkinë e Vorës, z. Agim Kajmaku. Ne jemi të bindur për fitoren e 30 Qershorit dhe besimin e merituar që banorët do t’i japin Agimit. Sëbashku me kolegët Blerina Gjylameti dhe Fatmir Xhafaj prezantuam gjithashtu kandidatët e Këshillit Bashkiak #PërBashkinëQëDuam #PërVorënQëDuam
