Ambasadori italian në Shqipëri, Alberto Cutillo, ka dhënë një intervistë për Radio Radico, ku ka folur për aktualitetin politik në Shqipëri dhe për ato që priten të bëhen në të ardhmen e afërt.
Ai ka folur se cilat janë qëllimet e tij si ambasador italian prej dy vitesh në Tiranë dhe për qasjet kulturore mes Shqipërisë dhe Italisë. Ambasadori Cutillo, ka folur edhe rreth zgjedhjes së Prokurores së Përgjithshme të përkohshme Arta Marku.
‘’Mendoj se është mëkat që nuk u krye në kohën e duhur reforma dhe duhet të kishte një modalitet tjetër sikundër është ai i zgjedhjes së një kryeprokurori të përkohshëm. Unë mendoj se do kishte qenë mirë të zgjidhej në mënyrë konsensuale, por edhe pse e kemi thënë që ky prokuror nuk ka kompetencat e atij të mëparshëm sepse është i përkohshëm. Eh askush nuk mund ta dijë sesa mund të rrijë një prokuror i përkohshëm. Në të mirë të Shqipërisë do ishte një prokuror konsensual, por duke qenë se partitë politike nuk arrinin në marrëveshje, personi i zgjedhur i meriton të gjitha cilësimet e mira, por do isha pro një zgjedhjeje nga të gjitha partitë.’’-përfundon ambasadori.
