Ministri i Jashtë rus, Sergei Lavrov thotë se synimi i Rusisë është të çlirojë Ukrainën nga regjimi neo-nazist.
Në një deklaratë për mediat nga Ankaraja pas takimit me homologun turk Mevlut Cavusoglu, Lavrov u shpreh se Moska i ka synimet e qarta dhe pohoi se Moska nuk po ndalon eksportet e drithërave nga Ukraina, shkruan CNN.
“Për sa i përket drithërave, nuk ka asnjë pengesë apo sfidë të shkaktuar nga Federata Ruse. Zelensky duhet të japë një udhëzim në mënyrë që portet ukrainase të bëhen të sigurta”, u shpreh ai.
Lidhur me deklaratën e Lavrov, ka reaguar Zëdhënësi i Ministrisë së Jashtme të Ukrainës, Oleg Nikolenko. Sipas tij, fjalët e Lavrov janë boshe.