Gazetari Artan Hoxha ka publikuar emrin dhe foton e personit që mendohet se ka ekzekutuar ish-policin Santiago Malko.
I ftuar në studion e lajmeve të “Report Tv”, Hoxha u shpreh se një nga ekzekutorët mendohet të jetë Fatmir Hyseni, një person nga Vlora që njihet me nofkën “Ndoçja”.
“Ky personi që shihni në foto është Fatmir Hyseni. Dua që regjia ta mabjë të foksusuar për pak, pasi ky është personi që e ka azkekutuar. Ai njihet si “Ndoçja” dhe quhet Fatmir Hyseni. Ai është një person mjaft i njohur në botën e krimit.
Hyseni ka marrë pjesë edhe në vrasjen e Edison Harizajt. Ai mendohet se është ekzekutori i Harizajt, ngjarje e ndodhur në Durrës. “Ndoçja” mendohet të ketë marrë pjesë gjithashtu edhe në atentatin e zhvilluar në Vlorë, ku shënjestra Ferdinand Llanaj shpëtoi. Në këtë ngjarje mbeti i plagosur edhe një fëmijë”, tha Hoxha.
