Komisioni i Ligjeve ka nisur dhënien e konkluzioneve për 7 kandidatët për Prokuror të Përkohshëm.
Deputeti Bledi Çuçi duke lexuar raportin tha se:
- Kandidati Arqile Koça i përmbush pjesërish kriteret se nuk ka gradën shkencore.
- Kandidatja Arta Marku përmbush kriteret e përvojës dhe gradës.
- Kandidati Artur Selmani përmbush pjesërish kriteret për Prokuror të Përgjithshëm; përmbush kriterin e vjetërsisë. Nuk ka kriterin e gradës shkencore, që është kusht. Ka një masë disiplinore në punën e tij.
- Kandidati Besnik Muçi plotëson kushtet dhe kriteret.
- Kandidati Ferdinan Elezi përmbush kushtet dhe kriteret.
- Granit Shahu nuk plotëson kushtin e vjetërsisë në pune.
- Kandidatja Ermira Tafani i përmbush kushtet. I plotëson dhe kërkesat ligjore, se nuk ka qënë as anëtare as bashkëpunëtore e Sigurimit të Shtetit, e asnjë asgjensie të huaj dhe as ka marrë masë disiplinore.
Siç mund të shihet, kandidatët që e kalojnë këtë provë janë kandidatët: Ferdinan Elezi, Arta Marku dhe Ermira Tafani.
DY DITE PAS DEGJESES
Më 13 dhjetor 2017, pas mbarimit të afatit të përcaktuar në vendimin e Komisionit për Çështjet Ligjore, sipas të cilit rezultoi se deri më datë 12 dhjetor 2017 ora 18:00, në Sekretarinë e Kryesisë së Kuvendit të Shqipërisë dorëzuan shprehjen e interesit për Prokuror të Përgjithshëm të përkohshëm 7 kandidatë, u zhvillua seanca dëgjimore me të gjithë kandidatët që shprehën interesin e tyre për vendin vakant.
Në seancën dëgjimore morën pjesë kandidatët: z. Arqilea Koça, znj. Arta Marku, z. Artur Selmani, z. Besnik Muçi, z. Ferdinand Elezi, z. Granit Shahu dhe znj. Ermira Tafani.
Kandidatët e interesuar për vendin vakant të Prokurorit të Përgjithshëm të përkohshëm njohën deputetët e komisionit me programet e tyre të kandidimit dhe jetëshkrimin profesional. Kandidatët gjithashtu iu përgjigjën pyetjeve të deputetëve të komisionit mbi çështje të caktuara.
Deputetët e opozitës nuk morën pjesë në atë seancë dëgjimore.
